Thursday 11 April 2013

મરઘી ભલેને કાળી

મરઘી ભલેને કાળી હોય, એનાં ઈંડાં તો ધોળાં જ હોય,
 

મંદિરમાં તો કેટલાય જાય, સાચા ભક્તો તો થોડા જ હોય.

રાધાકૃષ્ણ તો બહુ ઓછા, બાકી તો બધાં કજોડાં જ હોય,


સમય જતાં પીગળી જાય, માણસો બરફના ગોળા જ હોય.

બુદ્ધિશાળી તો માંડ એક બે, મૂર્ખાઓનાં તો ટોળાં જ હોય,

સમયસર આવનારા ભાગ્યે, મોટા ભાગના મોડા જ હોય.

સારું કામ કરનારના રસ્તામાં, દરેક જગ્યાએ રોડા જ હોય,

દીકરાઓ બધી કેરીઓ ખાઈ જાય, માને ભાગે છોડાં જ હોય.

ઉપરછલ્લા સંબંધો બધા, અંદરથી તો મોળા જ હોય,

દરેક માનવીની જિંદગીનાં થોડાક વર્ષો તો કફોડાં જ હોય.

ગ્લાસમાં મદિરા ઓછી ને વધારે તો સોડા જ હોય,

સારી કવિતા બહુ ઓછી, બાકી બધા તો હથોડા જ હોય.

No comments:

Post a Comment