ફિગરને સાચવવા પત્ની બાળક ના ઇચ્છે

આજકાલ સમાજમાં હાઇ ફાઇ સ્ટેટસ અને ફિલ્મી એકટર બનવાનાં લોકોનાં ચસકાઓ દિવસેને દિવસે વધતાં જાય છે. પુરુષો પોતે પણ એકટરની જેમ તૈયાર થવામાં, ટેટુ મુકાવવામાં કે અઢળક ખર્ચે પણ માલેતુજાર પરિવારનાં દિકરાઓ ફેશનની હોડમાં પાગલ બન્યા છે સાથે-સાથે પુરુષો જો આ ક્ષેત્રમાં હોય તો સ્ત્રીઓ કેમ બાકાત રહે? સ્ત્રીઓ પણ શૃંગારરસની સાથે પોતાની ફિગરને સાચવવા બેબાકડી બનતી હોય છે. માત્ર ફિગર સાચવવાની આડમાં ભલેને પોતાનું વજન પણ સાવ ઉતરી જાય અથવા તો એ હદે પોતાની ફિગરને સાચવે છે કે જેથી ક્યાંય શરીર બેડોળ ના બની જાય. હાલમાં જ એક અજીબોગરીબ કિસ્સો પ્રકાશમાં આવ્યો છે.પોતાના ફિગરની ચિંતામાં જો કોઇ પત્ની બાળક થવા ના દેતી હોય તે પુરૂષ ઉપર ક્રુરતા છે અને તે છુટાછેડાને પાત્ર ઠરે છે આવો ચુકાદો એક ફેમીલી કોર્ટે આપ્‍યો છે. આ કેસમાં એક મહિલા પોતાના પતિની પરવાનગી વગર ગર્ભનિરોધક ગોળીઓ લેતી હતી. તેનો પતિ બાળક ઇચ્‍છતો હતો પરંતુ પત્ની બાળક ઇચ્‍છતી ન હતી.

ઉલ્લેખનીય છે કે આ મામલે અહીની ફેમીલી કોર્ટે એવુ ઠરાવ્‍યુ છે કે, જો પત્ની બાળક માટે નનૈયો ભણી દયે તો તે પતિ સામે ક્રુરતા ગણી શકાય અને આ મુદ્દે છુટાછેડા માન્‍ય રહી શકે છે. ફેમીલી કોર્ટે દંપતિની છુટાછેડાની અરજી મંજુર કરી છે. આ કેસમાં પત્ની પતિની પરવાનગી વગર ગોળીઓ લેતી હતી કે જેથી બાળક ના થાય. તે પોતાના ફિગરથી સતત ચિંતિત રહેતી હતી. પતિ બાળક ઇચ્‍છતો હતો પરંતુ પત્ની ઇચ્‍છતી ન હતી. કોર્ટે કહ્યુ છે કે બાળકનો ઇન્‍કાર એ પતિ ઉપર ક્રુરતા સમાન છે અને તે છુટાછેડાનું એક કારણ બની શકે છે.

વધુમાં આ દંપતિ મુંબઇના કુર્લામાં રહે છે અને તેઓના મેં 2011માં લગ્ન થયા હતા. બંને માર્ચ 2012 સુધી સાથે રહ્યા હતા. 25 વર્ષની પત્ની નોકરી કરતી હતી. આ કેસમાં 31 વર્ષનાં પતિએ છુટાછેડાની અરજી કરી હતી તેણે અરજીમાં કહ્યુ હતુ કે, તે શારીરિક અને માનસિક તંગદીલી અનુભવે છે. પતિએ સોગંદનામુ કર્યુ હતુ કે તે બાળક ઇચ્‍છે છે પરંતુ પત્ની પોતાના ફિગરથી ચિંતિત હતી અને તે માતા બનવા માંગતી ન હતી. તે પતિને પુછયા વગર ગોળીઓ લેતી હતી. જેને કોર્ટે પતિ ઉપર ક્રુરતા ગણી મહિલાને નોટિસ આપી હતી જેનો તેણે જવાબ નહી આપતા કોર્ટે એકસ પાર્ટી છુટાછેડાનો ઓર્ડર ઇસ્‍યુ કર્યો હતો.